Late — Chapter 61
Chapter: 61
Pasian' Hut ding Ngetna
1
Pasian aw, ka kikona aw hong za in la, ka thungetna hong ngai in
2
Ka lungsim a neu ciangin, leimong panin nang kong sam hi. Keimah sangin a sangzaw suangpi tungah hong paipih in
3
Bang hang hiam cih leh nang, keima bukna na hi a, galte' langah tausang muan'huai na hi hi
4
Na buk sungah hong omsak tawntung in la, nangma khate' hutna sungah lungmuangin hong omsak in
5
Bang hang hiam cih leh Pasian aw, ka thuciamnate khempeuh nangmah in na za khin a, nangmah a hong zahtak mite' ngah dingte keimah nong pia khinta hi
6
Kumpipa khan'tosak in la, khang tawntungin nungtasak in
7
Pasian' mai-ah amah om ngitnget hen la, ama itna kip leh a thumanna in amah kem ta hen
8
Tua ciangin nisimin ka thuciamnate bangin gamta-in, na min phatna ka sasa ding hi.