Late — Chapter 20

Gimna na thuak ciangin Topa in nang hong en hen la, Jakob' Pasian in nangmah hong dal ta hen

Siangtho mun panin huhna nang hong puak hen la, Zion panin nang hong pan'pih ta hen

Na biakpiaknate khempeuh amah in hong phawk hen la, na meihal biakpiakna hong sang ta hen

Na lungsim' deihna amah in hong pia hen la, na geelna khempeuh hong tangtungsak ta hen

Na gualzawhna-ah eite lungdamin awngin, i Pasian' min tawh i lante khai ni

Topa in a sathau nilhpa a huh ding tu-in ka thei ta a, ama vantung siangtho panin amah dawng ding a, a vangliatna tawh amah gualzosak ding hi

Mi pawlkhat in leengte kihihsakpih a, mi pawlkhat in sakolte kihihsakpih hi. Ahih hangin eite in Topa i Pasian' min bek i kihihsakpih hi

Amaute kinawmsawmin pukgawp ding uh a, ahih hangin eite tho-in i dingtang ding hi

Topa aw, kumpipa tungah gualzawhna pia in la, kong sap ciangun hong dawng in.