Late — Chapter 13
Chapter: 13
Lungkhamna-ah Thungetna
1
Topa aw, bang tanvei hi lai ding ahi hiam? Kei hong mangngilh paisuak ding na hi hiam? Bang tanvei kei kiang pan na maitang seel ding na hi hiam
2
Bang tanvei gimna thuakin, sunthapai-in ka lungsim dah ding ahi hiam? Bang tanvei kei tungah ka galte gualzo ding ahi hiam
3
Topa ka Pasian aw, ngaihsun in la hong dawng in. Ihmulum khading ka hih manin ka mitte hong vaksak in
4
Ka galte in, “Ama tungah gualzo khin ung,” ci khading hi. Kei ka lin' manin ka galte nuam khading hi
5
Ahih hangin na itna kip ka muang a, nong hotkhiatna hangin ka lungdam ding hi
6
Nong hehpihna kicing ahih manin, Topa, la kong sak ding hi.