Late — Chapter 100
Chapter: 100
Lungdamna tawh Topa' Na Sem Un
1
Gam khempeuh aw, Topa' tungah lungdamna aw gingsak un
2
Lungdamna tawh Topa' na sem un. Ama omna-ah la sa kawmin hong pai un
3
Topa, Pasian ahihna thei un. Eite hong bawlpa amah hi a, eite ama-a' ihi hi. Eite ama mi ihi a, ama gankhahna sunga om a tuute ihi hi
4
Lungdam kohna tawh ama kongpi-ah lut un la, amah phatna tawh ama huang sungah tum un. Ama tungah lungdam ko un la, ama min phat un
5
Bang hang hiam cih leh Topa hoih hi. Ama itna kipin kho tawntung a, ama thumanna a khang khangin kip hi.