Kua Na Ngawh Diam?

Topa hong gupkhiatna thu don loin na om lai leh,

Na nuntakna lungngai in, bangci ding na geel ngei maw,

Ka thuhilhte siat kaihin, nialnial in na om lai leh,

Ni khat ni ciangin na zang ding hi.

Van Mangpa kikona tawh,

Peengkul hong kitum takteh;

Gupkhiat misiangtho khempeuh,

Mitphiat kailn hong mang ding,

Na pasal hong mang ding hi,

Na tate hong mang ding hi,

Tua ni takteh nang kua na ngawh diam?

Tua ni hong tun tak teh, hih leitung dahhuai sin teh,

Vengsak vengkhang mikizong aa khitui luanna om ding,

Alumkhawm khat hong mang ding,

Ansu khawm khat hong mang ding,

Tua ni tak teh nang kua na ngawh diam?

Pawlpi sungah min apin, pawlpi ngeina teng zui-in,

Gamtat hoihna hahkatin, kikhawmin sumpi pia -in,

Tui na kiphum khit takteh, Vantung tun ding na sawm leh,

Khat vei na suakkik in Topa'n ci.

Na mawhna tu'n kisik in, peengkul hong kitum ma in,

Tua vantung Mopi pawi-ah nang zong na om keikha deh,

Na sih khit ciangin hankhuk sungah vai kihawm nawn lo,

Cin thei in, tu-in na Piangthak in.